Thaçi: VV, AAK dhe Nisma janë të zhurmshme e s’kanë alternativa

Zëvendëskryeministri i Kosovës, Hashim Thaçi gjatë seancës së sotme ka thënë se opozita e vendit më shumë është e zhurmshme sesa aktive.Ai madje ka ironizuar me këto parti duke thënë se sa më shumë zhurmë që bëjnë, aq më larg do të jenë nga pushteti.

Thaçi ka akuzuar këto parti, që po krijojnë vetëm zhurmë e jo alternativa.

Zëvendëskryeministri po ashtu ka thënë se është i papranueshëm sulmi ndaj institucioneve, investitorëve të huaj, bankave etj.

Ai ka thënë se me këto veprime vetëm do ta dëmtojnë qytetarin, ndërkohë që ka thënë se qytetarët e Kosovës paguajnë rrymën, me çmimin e dytë më të lirë në Europë.