Thaçi: Vdekja e Ali Fetahut lëndoi të gjithë qytetarët e Kosovës
RajoniPress
17:50, 7 Janar, 2015
Ministri i Punëve të Jashtme, Hashim Thaçi i pari nga qeveria Mustafa, e ka ngushëlluar familjen e kosovarit i cili ndërroi jetë në Hungari, Ali Fetahut.
Thaçi përmes Facebook-ut ka thënë se vdekja e Ali Fetahut përveç famljes, ka lënduar edhe qytetarët e Kosovës.
“Me pikëllim e mora lajmin për vdekjen e qytetarit ferizajas, Ali Fetahu në kufirin e Hungarisë. Kjo vdekje ka lënduar thellë familjen e tij, por edhe gjithë qytetarët e Kosovës. Familjes Fetahu i shpreh ngushëllimet më të sinqerta”, ka shkruar Thaçi.
