Thaçi: Spanja do ta njohë shumë shpejt Kosovën

Presidenti i Republikës, Hashim Thaçi, ka deklaruar se Spanja së shpejti pritet ta njoh pavarësinë e Kosovës. Thaçi këto deklarata i ka dhënë gjatë një interviste për agjencinë spanjolle të lajmeve “EFE”.

Mirëpo ai nuk ka dashur të tërheq paralele mes shkëputjes së Kosovës nga Serbia dhe lëvizjeve separatiste në Spanjë, transmeton Indeksonline.

“Spanja nuk është Serbi, e as Katalonia Kosovë”, është shprehur ai.

Ndryshe, i pari i Presidencës do të marrë pjesë sot në inaugurimin e projektit të zgjerimit të Kanalit të Panamasë, së bashku me Mbretin e Spanjës, Juan Carlos I, dhe disa presidentë tjerë.