Thaçi: Shpresojmë se së shpejti do nënshkruajmë marrëveshjen për demarkacion me Serbinë
RajoniPress
22:36, 26 Gusht, 2015
Zëvendëskryeministri dhe ministri i jashtëm i Kosovës, Hashim Thaçi, ka thënë se shpreson që marrëveshja e demarkacionit të Kosovës me Malin e Zi, të jetë shembull për vendet e rajonit.
Ai ka thënë se kjo marrëveshje është kryer në përputhje me Kushtetutën e Republikës së Kosovës.
Thaçi ka deklaruar se shpreson që shpejt kjo çështje do të përmbyllet edhe me Serbinë.
“E kemi përmbyllur demarkacionin me Shqipërinë e edhe sot me Malin e Zi. Shpresoj se çështjen do ta përmbyllin edhe me Serbinë. Shpresoj që marrëveshja jonë e demarkacionit mes Kosovës dhe Malit të Zit ë jetë shembull edhe për vednet tjera në rajon”, ka thënë Thaçi.
