Thaçi: Pushteti fitohet vetëm me votë e assesi me dhunë

Zëvendës kryeministri, njëherësh ministër i Jashtëm i Kosovës, Hashim Thaçi, nëpërmjet një postimi në profilin e tij në Facebook ka reaguar për siç ka thënë vazhdimin e dhunës nga Opozita për të realizuar synimet e veta politike.

Sipas Thaçit, lidershipi i opozitës duhet të kuptojë se pushteti fitohet vetëm me votë e assesi me dhunë.

“Mungesa e besimit të qytetarëve nuk kompensohet me ekstremizëm politik. Institucionet legjitime të Republikës do të vazhdojnë punën e tyre, pavarësisht zhurmës dhe akteve të dhunës nga pakica opozitare”, ka shkruar Thaçi. /Telegrafi/