Thaçi premton investime në Brezovicë nëpërmjet Facebook-ut

Kryeministri i Kosovës, Hashim Thaçi tha se pret që vitin e ardhshëm të përfundojë procesi i identifikimit të investitorit, që do të rivitalizojë qendrën ekzistuese në Brezovicë.

Ai në profilin e tij në Facebook ka shkruar se pret që vitin e ardhshëm të përfundon procesi i ndihmuar nga USAID dhe BE për të identifikuar investitorin, përkatësisht operatorin e jashtëm, që do të revitalizojë qendrën ekzistuese dhe do të investojë në ski-lifte dhe ndërtesa të reja.

”Gjithë këto në mënyrë te qëndrueshme dhe duke ruajtur bukuritë e natyrës. Ekspertët e jashtëm kanë vlerësuar se rreth 200 milionë euro investime do të krijojnë deri në 4000 vende të reja të punës në komunat që preken nga malet e Sharrit”.

Thaçi po ashtu përmend ngjarjen e djeshme ku u nënshkrua ndërtimi i ”autostradës energjetike” me Shqipërinë, e që sipas tij, do të investohen 75 milionë euro për linjën e interkoneksionit të gjatë 241 km, një lajm që zuri vend edhe në mediet botërore. Pas dy vjetësh, shkëmbimi energjetik me Shqipërinë do të trefishohet!