Thaçi: Një mandat është pak, më shumë se dy janë tepër

Lideri i PDK-së, Hashim Thaçi, njëherësh zëvendëskryeministër i Kosovës, ka thënë se do të lirohet prej të gjitha detyrave politike dhe do të fokusohet në ushtrimin e rolit dhe përgjegjësive në mënyrën sa më të mirë të mundshme në Presidencën e Shtetit.

Ai ka thënë se një mandat është pak, kurse më shumë se dy janë tepër, raporton Indeksonline.

Gjithashtu, Thaçi e ka vlerësuar edhe pjesëmarrjen e djeshme të liderit të AAK-së, Ramush Haradinaj, në takimin e liderëve politik, duke thënë se vetëm me dialog mund të zgjidhen krizat dhe mosmarrëveshjet politike.