Thaçi në Bruksel: Do të jetë e vështirë, por do të bëj përpjekje maksimale për arritjen e një marrëveshje

Hashim Thaçi, president i Kosovës, ka thënë se në takimin e së enjtes me presidentin serb Aleksandar Vuçiq do të bëjë përpjekje maksimale që të përafrojë qëndrimet me Serbinë për arritjen e një marrëveshjeje përfundimtare, ligjërisht obliguese.

Ai këto komente i ka bërë në Bruksel, para gazetarëve.

“Ky është takimi i radhës në kuadër të procesit final të mundësisë së arritjes së marrëveshjes në mes Kosovës dhe Serbisë, marrëveshje obliguese ligjërisht në rrafshin ndërkombëtar dhe gjithëpërfshirësise – që nënkupton njohjen reciproke të dy vendeve dhe mundësimin për anëtarësim të Kosovës në OKB”, ka shtuar Thaçi.

Ai më tutje ka thënë se nuk do të jetë e lehtë rruga deri të arritja e marrëveshjes, duke theksuar se kjo është mundësia më e mirë për të ecur drejt rrugës euroatlantike.

“E di se nuk do të jetë e lehtë, përkundrazi ka pengesa, ka ballafaqime, por arritja e marrëveshjes është mundësia më e mirë për të lëvizur drejt perspektivës evropiane, prandaj do të bëhen të gjitha përpjekjet maksimale që të përafrohen qëndrimet në interesin e arritjes së marrëveshjes. Kjo është një mundësi e radhës e udhëhequr nga zonja Mogherini, nga BE në mbështetje të SHBA-së, prandaj edhe synimi i Kosovës është të ketë fqinjësi të mirë me të gjitha vendet në kuadër të saj edhe me Serbinë në mënyrë që të lëvizim lirshëm drejt NATO-s dhe Bashkimit Evropian dhe të hapim perspektivën globale për shtetin e Kosovës. “, ka shtuar më tej Thaçi. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).