Thaçi: Ndryshimet kushtetuese, pastaj reforma e mirëfilltë zgjedhore

Kryeministri i Kosovës, njëherësh kryetari i PDK-së, Hashim Thaçi ka demantuar bashkëpartiakun Arsim Bajrami, i cili ka thënë se reforma zgjedhore nuk duhet prekur Kushtetutën.

Thaçi në profilin e tij në Facebook ka shkruar se pa ndryshime kushtetuese nuk mund të ketë reformë të mirëfilltë zgjedhore, duke aluduar në zgjatjen e vendeve të rezervuara në Kuvend për pakicat.

“Javën që lamë pas shënoi një përpjekje tjetër të përfaqësuesve të partive politike për përmbylljen me sukses të reformës zgjedhore për zgjedhjet e ardhshme parlamentare.
Reforma zgjedhore është e nevojshme dhe e domosdoshme. Është edhe pjese e agjendës së integrimit europian. Vetëm bashkarisht mund ta bëjmë këtë reformë. Reforma zgjedhore është në interes të shtetit dhe të gjitha partive politike si dhe të gjithë shoqërisë kosovare’, ka shkruar Thaçi, citon orainfo.

Ai ka ftuar në këtë proces shoqërinë civile dhe të gjitha personalitetet publike dhe mediat që ta japin kontributin e tyre, i cili sipas tij,është tejet i rëndësishëm. /Telegrafi/