Thaçi: Na duhet një Parlament i qëndrueshëm, Gjilani kësaj radhe është i PDK-së

Gjilan – Hashim Thaçi të premten ka qëndruar në Gjilan ku fillimisht ka vizituar kompaninë “Ask Food” dhe ka premtuar ndihmë për bizneset e Gjilanit. Kurse në Spitalin e Gjilanit ka bashkëbiseduar me punëtorët shëndetësor. Thaçi tha se çdo vit do të ketë rritje edhe në shëndetësi për 25 % derisa tha se Kosovës i duhet një Parlament i qëndrueshëm. Gjilani kësaj radhe është i PDK-së dhe përqafone “Misionin e Ri” dhe tejkaloni librezat partiake ishte porosia e Thaçit.

Hashim Thaçi në një bashkëbisedim me punëtorët shëndetësor në Gjilan ka thënë se gjatë gjithë jetës së tij ka marrë vendime të rënda, por të rëndësishme për Kosovën dhe qytetarët e saj. “Edhe tani para jush keni një vendim të rëndësishëm për të përqafuar “Misionin e Ri” që i duhet Kosovës dhe nevojave të saj” u shpreh Thaçi raporton rajonipress.

Thaçi u tha mantelbardhëve se për këtë kategori çdo vit do të ketë nga 25% rritje të pagës. “Ju jeni njerëz të një profesioni shumë human e fisnik dhe mbështetja për ju dhe punën e tuaj praktikisht është mbështetje për vetën tonë. Ju lus që të punoni e kontribuoni edhe më tepër sepse shëndetësia kosovare përkundër ecjeve pozitive, ende na duhet ta përmirësojmë imazhin e saj u shpreh Thaçi.

Thaçi tha se askush nuk ka nevojë të ndihet keq rreth përcaktimit partiak.”Pyetni të tjerët çfarë kanë bërë për ju dhe e gjeni përgjigjen. Kësaj radhe Gjilani do të fitojë me PDK dhe është i joni. Gjilani shkoj si shkoj në zgjedhjet lokale, por tani jemi të mobilizuar dhe do e fitojmë këtë garë me kandidatët e mirë që i keni” u shpreh Thaçi.

Thaçi sërish ka përsëritur idenë e tij për 200 mijë vende të punës dhe Fondin prej 1.5 miliard dollarësh.”Isha edhe te “Ask Foods” dhe edhe atyre u premtova ndihmë sepse ata mbajnë 160 familje.”Misioni i Ri” është për të gjitha kategoritë dhe ju lus që ta përqafoni atë u shpreh Thaçi./rajonipress/