Thaçi: Marrëveshjet me Serbinë e kanë forcuar sovranitetin e Kosovës

Në mbledhjen e rregullt me kryetarët e degëve të Partisë Demokratike të Kosovës, kryetari i PDK-së, Hashim Thaçi, i informoi kryetarët për situatën aktuale në vend dhe për agjendën euro-atlantike të Republikës së Kosovës.

Në këtë mbledhje, kryetari Thaçi informoi kryetarët e degëve për marrëveshjet e fundit të arritura në Bruksel, në kuadër të dialogut ndërshtetëror ndërmjet Kosovës dhe Serbisë, me ndërmjetësimin e BE-së.

Ai theksoi se këto marrëveshje e kanë forcuar edhe më shumë sovranitetin e Kosovës.

Në mbledhje me kryetarët e degëve, u diskutua për forcimin dhe organizimin edhe më efikas të degëve.

Partia Demokratike e Kosovës sivjet shënon gjashtëmbëdhjetë vjetorin e themelimit. /Telegrafi/