Thaçi: Liberalizimi i vizave në 2016-n
RajoniPress
19:23, 11 Dhjetor, 2015
Ministri i Punëve të Jashtme të Kosovës, Hashim Thaçi po qëndron në Strasburg ku edhe është takuar me 13 ambasadorë të misioneve përhershme pranë Këshillit të Evropës. Ai këtë njoftim e ka publikuar në llogarinë e tij në Facebook, duke zbuluar edhe datën e liberalizmit të vizave, sipas tij.
“I informova për zhvillimin e demokracisë në shtetin e Kosovës, për forcimin e rendit dhe ligjit, për afirmimin dhe respektimin e të drejtave të komuniteteve, si dhe për avancimin e mbrojtjes së lirive dhe të drejtave të njeriut”, shkruan Thaçi, transmeton Koha.net.
Ai më tej thotë se me ambasadorët ka diskutuar për dialogun me Serbinë, zbatimin e marrëveshjeve, nënshkrimin e MSA-së dhe për procesin e liberalizimit të vizave, që sipas Thaçit, do të ndodhë në vitin 2016.
http://koha.net/?id=27&l=88589
