Thaçi kundër Thaçit

Hashim Thaçi, që tani ka intensifikuar fushatën paraelektorale për zgjedhjet e parakohshme të 8 qershorit, ka për barrë premtimet e papërmbushura të dy mandateve të shkuara.

Premtimet e papërmbushura tani i janë kthyer në bumerang. Sjellja e tij në këtë parafushatë elektorale i ngjan një opozitari. Ai ka nisur të japë premtime me kosto miliardëshe, me arsyen se do që ta nxjerrë vendin nga kriza, ani se e ka qeverisur në dy mandatet e fundit

Ishte ftohtë nëntorin e 2007-s dhe Hashim Thaçi bënte fushatë të nxehtë në përpjekjen për të marrë mandatin e parë qeverisës. Një i ftohtë i përcjellë me reduktime të ashpra të energjisë elektrike.

Thaçi, atëkohë opozitar, fliste me entuziazëm gjatë një interviste për gazetën se si do ta zhvillonte vendin po fitoi besimin qytetar. Dritat ishin një pikë që e rrihte fort. Dhe AAK-në, që atëkohë udhëhiqte Qeverinë, e kishte përjashtuar nga çfarëdo formule koalicioni, pikërisht shkaku i mungesës së dritave, ngaqë edhe kryeministri e edhe ministri i Energjetikës ishin nga kjo parti. Ç’ka premtuar e çka s’ka përmbushur Hashim Thaçi, gjerësisht lexonit sot në Koha Ditore.