Thaçi: Jam kundër ndarjes dhe shkëmbimit të territoreve të Kosovës

Presidenti Hashim Thaçi theksoi se marrëveshja përfundimtare me Serbinë do të përfshij korrigjim të kufijve por jo shkëmbim të territoreve raporton “Zeri.info”.

“Unë kam besim se kjo situatë do të tejkalohet në ditët dhe javët e ardhshme. Duhet të përsëris edhe njëherë se propozimi im për korrigjimin dhe demarkimin mes Kosovës dhe Serbisë si pjesë e marrëveshjes ligjërisht mes Kosovës dhe Serbisë, kushti kryesor që do e ketë njohjen reciproke mes dy shteteve. Po ashtu kjo marrëveshje do të përfshij edhe bashkimin e Bujanovcit dhe Medvegjës me Kosovën”, tha i pari i presidencës”, ka thënë ai.

Ai këto komente i bëri në një konferencë për media me ç’rast shtoi se Kosova mbet e përkushtuar në dialogun me Serbinë.

“Ne mbesim të përkushtuar ndaj dialogut me Serbinë jam i bindur se rruga e vetme për tu anëtarësuar në NATO e OKB. Në Kosovë të gjithë pajtohemi se dialogu dhe negociatat janë rruga e vetme, dhe se nuk duhet të ketë konflikte, luftë e viktima”, tha ai.

Ai tha që është kundër shkëmbimit të territoreve me Serbinë pasi qe sipas tij një gjë tillë nënkupton mosfunksionim të shtetit.

“Ky përkushtim i imi është në kundërshtim me shkëmbimin e territoreve apo formimin e Asociacionit që do të dëmtonte funksionimin e shtetit të Kosovës”, tha ai./Zëri

Thaçi: Nuk kam marr leje nga askush për vizitën në Ujman

Presidenti i Kosovës, Hashim Thaçi sot në një konferencë për media tha se vizita e tij e djeshme në Liqenin e Ujmanit ishte transparente, dhe vizitë për të cilën ai nuk mori leje nga askush raporton “Zeri.info”.

“Kosova është shtet i lirë, në të cilin liria e lëvizjes është e garantuar për të gjithë qytetarët pavarësisht veprimeve politike që mund të paraqiten eventualisht”, tha ai.

Thaçi ka hedhur poshtë zërat se për vizitën e tij në këtë pjesë ka marrë leje nga dikush.

“Dje e kam vizituar këtë pjesë dhe do e bëjë saher të e shoh të nevojshëm. Kurrë nuk kam marrë leje apo aprovim nga askush për një gjë të tillë. Kjo gjë ka qenë shumë transparente. Qytetarët dhe institucionet e Kosovës kanë të drejt të vizitojnë çdo cep të Republikës së Kosovës”, tha Thaçi.

Ai mes tjerash e quajti takimin e tij në këtë pjesë si takim të rregullt me ç’rast tha se është mirëpritur ngrohët nga banorët e kësaj pjese. /ZERI

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).