Thaçi: Jahjaga foli drejt, dha mesazhe të qarta

Ish kryeministri i Kosovës, Hashim Thaçi, ka vlerësuar lartë fjalimin e presidentes Atifete Jahjaga në Kuvendin e Kosovës.
Ministri i Punëve të Jashtme të Kosovës, Thaçi, përmes një mesazhi në Facebook, ka thënë se Jahjaga paraqiti në mënyrë të drejtpërdrejtë dhe të sinqertë shqetësimet më të mprehta të shoqërisë kosovare, transmeton Telegrafi.

“Dje Presidentja e Republikës së Kosovës, Atifete Jahjaga, mbajti para Kuvendit të Kosovës një fjalim frymëzues me mesazhe te qarta të cilin unë e mirëprita me kënaqësi dhe vlerësim të veçantë. Në fjalën e saj ajo paraqiti në mënyrë të drejtpërdrejtë dhe të sinqertë shqetësimet më të mprehta të shoqërisë sonë, domosdoshmërinë për vazhdimin e reformave dhe nismave konkrete për të adresuar nevojat e vendit si dhe përgjegjësinë e madhe që rëndon mbi supet e klasës sonë politike për shkaktimin e ngërçit politik. Përfitoj nga ky rast të shpreh mirënjohjen ndaj Presidentes Jahjaga, jo vetëm për këtë fjalim të vlefshëm por edhe për rolin dinjitoz që ajo ka luajtur në kapërcimin me sukses të krizës politike pas zgjedhjeve duke hapur rrugën e dialogut ndërpartiak dhe duke garantuar respektimin e kushtetueshmërisë dhe procedurave demokratike të shtetit tonë”, ka shkruar Thaçi në Facebook.