Thaçi: Ja çfarë do të bëjë Qeveria e re

Kryeminstri në detyrë, Hashim Thaçi ka paralajmëruar se detyra fillestare e qeverisë së re do të jetë përfundimi i procedurave parlamentare për themelimin e Forcave të Armatosura të Kosovës.

Thaçi në një postim në rrjetin social “Facebook” nuk ka lënë pa falënderuar edhe ish-sekretarin amerikan, Chuck Hagel për kontribuin e tij dhënë Kosovës.

Ja postimi origjinal

Dëshiroj ta falënderoj ish-Sekretarin e Mbrojtjes Chuck Hagel të SHBA-ve për shërbimin që ka dhënë Kosovës gjatë këtyre viteve si ministër i mbrojtjes por edhe si senator shumëvjecar. Që më 1999 Hagel ka sponsorizuar resoluta për bombardimin e Serbisë ndërsa në vitet e fundit ka qëndruar fuqishëm për prezencën ushtarake amerikane aty ku ka nevojë dhe për ndihmë Kosovës deri sa po reformohet nga një importuese e resurseve të sigurisë në një garantuese të stabilitetit rajonal.

Një nga detyrat fillestare të Qeverisë së re do të jetë edhe përfundimi i procedurave parlamentare për themelimin e Forcave të Armatosura të Kosovës dhe përfitimin e marrëdhënieve kontraktuale me NATO.

Ndihmesa që ka dhënë ish-Sekretari Hagel si senator republikan dhe në kabinetin Obama ka qenë pozitive për Kosovën. HTH