Kryeministri i Kosovës Hashim Thaçi në mënyrë të hapur ka shpërfillur kryetarin e Kuvendit, Jakup Krasniqin, të vetmin që nuk e ka informuar rreth takimit me kryeministrit e Serbisë Ivica Daçiq.
E kjo injorancë shihet si hakmarrje ndaj kryeparlamentarit Krasniqi.
Ndonëse është treguar i kujdesshëm me presidenten e vendit, Atifete Jahjaga, kreun e opozitës Isa Mustafa e nënkryetarin e AAK-së Blerim Shala, të njëjtën “zemërgjërësi” nuk e ka treguar edhe me kryeparalamentarin Jakup Krasniqi, i cili është edhe bashkëpartiak i Thaçit, shkruan “Zëri”.
Kjo shpërfillje e Thaçit në raport me Krasniqin shihet nga analistët politikë si “hakmarrje”, e cila rezulton po ashtu në përçarjet që kanë ndodhur dhe po ndodhin përditë në PDK, ndërmjet krahut të Thaçit dhe vetë Krasniqit.
.
