Thaçi i fton kolegët e tij të dorëzohen në Gjykatën Speciale

Presidenti i Kosovës Hashim Thaçi, sot i ka bërë thirrje politikanëve dhe shokëve të tij që të dorëzohen në Gjykatën Speciale në qoftë se kundër tyre ngriten padi, por në ndërkohë nuk ka dashur të paragjykojë rreth asaj se si do të vepronte ai nëse do ta gjente veten në situatë të njëjtë.

Këto deklarata Thaçi i ka dhënë për agjencinë austriake APA, e cila konstaton se presidenti kosovar në të njëjtën kohë i ka ikur përgjigjes në pyetjen se çfarë do të bënte në rast se padia do të ngritej edhe kundër tij, shkruan Tanjug, transmeton Klan Kosova.

“Gjykata është themeluar nga institucionet e Kosovës, me vullnetin e deputetëve të parlamentit të Kosovës”, ka deklaruar ai dhe ka kujtuar se derisa ai ishte në postin e kryeministrit kishte kontribuar në krijimin e kësaj gjykate.

“Në asnjë rast kjo nuk është negative për Kosovën, por është avantazh, meqë të gjitha akuzat që rrinë pezull nesh si retë e zeza do të sqarohen”, ka deklaruar ai.

Presidenti po ashtu ka shtuar se UÇK-ja ka bërë luftë të drejtë dhe se i ka respektuar të gjitha të drejtat ndërkombëtare. “Nëse i kemi shkelur ligjet, atëherë ato nuk ishin ndërkombëtare, por ligjet e Sllobodan Millosheviqit”.