Thaçi godet Limajn, kërkon të mos votohen ata që s’hyjnë në Parlament

Kryetari i PDK’së Hashim Thaçi të shtunën në mesditë së bashku edhe me bashkëpunëtorët Hajredin Kuçi e Besim Beçaj, ka qëndruar në Malishevë ku ka takuar udhëheqësit e degës me në krye kryetarin Isni Kilajn si dhe kandidatët nga Malisheva që në kuadër të këtij subjekti garojnë për deputet.

Me ketë rast, ai ka thënë se s’duhet të votohen ata që s’do ta kalojnë pragun zgjedhor.

“Mos u jepni votë atyre që s’mund të hyjnë as në Parlament sepse ajo është humbje e votës”,ka thënë kryeministri Thaçi në restauranin “Albi”ku ishin tubuar edhe qindra simpatizantë të flakt të PDK-së.

“Synojmë të fitojmë mbi 40 deputet dhe pastaj të bëjmë koalicion edhe me një parti tjetër të djathtë pasi ne jemi partia më e madhe si nga të djathtët ashtu edhe nga të majtët dhe ska dyshim që sivjet do të shënojmë fitoren më të thellë në historinë tonë”, ka thënë ai.

Kreu i ekzekutivit të vendit Hashim Thaçi edhe me këtë rast ka përgëzuar banorët e Kijevës dhe fshatrave për rreth për vendimin qeveritar me të cilin kan filluar procedurat për themelimin e Komunës së re të Kijevës.