Thaçi: Do ta themelojmë Specialen

Ministri i Jashtëm i Kosovës, Hashim Thaçi, në fjalimin e tij e ka siguruar bashkësinë ndërkombëtare se Kosova do ta themelojë Gjykatën Speciale, për të hetuar dyshimet për krime të luftës që paraqiten në raportin e Dick Marty-t.“Ne besojmë se shumica e këtyre akuzave janë thashetheme dhe krejtësisht të pabazuara, por për të pastruar luftën tonë dhe për të izoluar rastet individuale, kur mund të ketë veprime negative, ne do ta themelojmë këtë institucion të pavarur dhe ndërkombëtar”, tha Thaçi, ndërsa shtoi se për Specialen do të votohet më 29 maj në Kuvendin e Kosovës.

Themelimi i Gjykatës Speciale, përfshirja e kosovarëve në përleshjen e armatosur në Kumanovë, bisedimet Kosovë – Serbi, dhe kthimi i serbëve të shpërngulur, ishin temat kryesore që u diskutuan të martën (dje), në Këshillin e Sigurimit të Organizatës së Kombeve të Bashkuara, ku u shqyrtua raporti tremujor i Sekretarit të Përgjithshëm, Ban Ki-moon, për situatën në vend.

Ministri i Jashtëm i Kosovës, Hashim Thaçi, në fjalimin e tij e ka siguruar bashkësinë ndërkombëtare se Kosova do ta themelojë Gjykatën Speciale, për të hetuar dyshimet për krime të luftës që paraqiten në raportin e Dick Marty-t.

“Ne besojmë se shumica e këtyre akuzave janë thashetheme dhe krejtësisht të pabazuara, por për të pastruar luftën tonë dhe për të izoluar rastet individuale, kur mund të ketë veprime negative, ne do ta themelojmë këtë institucion të pavarur dhe ndërkombëtar”, tha Thaçi, ndërsa shtoi se për Specialen do të votohet më 29 maj në Kuvendin e Kosovës.

Duke folur për zhvillimet politike në Kosovë, Thaçi tha se në tre muajt e fundit është shënuar një përparim i përgjithshëm në vend./zeri/