Thaçi: Do ta respektojmë vendimin e Gjykatës Kushtetuese, Kosova më e rëndësishme

Kryeministri i Kosovës, Hashim Thaçi ka thënë PDK dhe ai personalisht do ta pranojnë vendimin e Gjykatës Kushtetuese, rreth pyetjeve të presidentes, se kujt duhet t’i takoj mandatari për themelimin e qeverisë.

Thaçi i ka quajtur këto dilema të panevojshme megjithatë ka shtuar se edhe nëse vendimi i Gjykatës nuk do të jetë pro PDK-së, ai do ta pranoj pasi që më e rëndësishme është të tregohet pjekuri institucionale.

“Zgjedhjet parlamentare të qershorit u zhvilluan me sukses. Qytetarët shprehen vullnetin e tyre lirshëm për të ardhmën e tyre, për Kosovën e zhvilluar dhe të integruar në BE dhe NATO.

Tani procesi i certifikimit të rezultateve po afrohet. Në ndërkohe, pritet që edhe Gjykata Kushtetuese e Kosoves t’i jap përgjegje pyetjeve te parashtruara nga Presidentja e vendit. Verdikti i Gjykatës Kushtetuese pritet të qartësoj dilemat e panevojshme qe janë ngritur.

Unë si kryeminister i vendit e mirëpres dhe publikisht zotohem se do të respektoj vendimin e Gjykatës Kushtetuese paverësisht cili do jete ai.

Kështu kemi vepruar edhe në të kaluaren kur kemi pranuar vendimet e kësaj gjykatë edhe atëherë kur ato kanë qenë në kundërshtim me pritjet tona. Fundja, çështja thelbësore e gjithë këtij procesi është që Kosova te tregoj maturi institucionale dhe qytetarët tonë te fillojne ta prekin ndryshimin që do ndodhë me fillimin e zbatimit te Misionit te Ri. HTH”, ka shkruar ai.