Thaçi: Dikujt i pengoi marrëveshja e Uashingtonit në qershor, andaj u publikua akuza ndaj meje

Presidenti i Kosovës, Hashim Thaçi, në emisionin Pressing të T7, ka thënë se dikë e pengoi mundësia e arritjes së marrëveshjes në Uashington në muajin qershor. E sipas, tij andaj edhe iu publikua propozimaktakuza nga Zyrat e Prokurorit të Specializuar.

“Një gjë është e vërtetë, dikë e ka penguar mundësia e arritjes së marrëveshjes në qershor në Uashington”, është shprehur Thaçi në Pressing.

Tutje, ai tha se nuk e dinte se do të ftohej nga Specialja.

“Nuk e dija se do të ftohesha nga Specialja. Prerja e rrugës për Uashington ka qenë befasuese. Ne iu kemi përgjigjur në formën më të mirë të mundshme”, ka thënë Thaci.

Gjithashtu, ai tha se këtë publikimin e propozimakuzës e mori nga mediat kur zbriti nga aeroplani.

“Unë në ato rrethana nuk do ta lejoja vetën të vazhdoja, sepse humbi kuptimi i mesazhit dhe tkaimit”.

“Unë mora vesh nga mediat kur zbrita nga aeroplani”, shtoi Thaçi.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).