Thaçi dhe Mustafa takohen për zgjedhjet

Lideri i PDK’së, Hashim Thaçi pritet të takohet sot me Kryetarin e LDK’së, Isa Mustafën me të cilin do të flasin për datën e zgjedhjeve parlamantare.

Burime të Express kanë treguar se dy partitë janë që zgjedhjet të mbahen në muajin qershor të këtij viti e jo ashtu siç janë deklaruar disa parti tjera se zgjedhjet duhet të mbahen në muajin mars ose prill.

Sipas të njëjtave burime, Thaçi dhe Mustafa do të arrijnë një pajtim që mos të rrëzohet Qeveria dhe të sigurohen numrat në Kuvend për kalimin e disa ligjeve që janë të rëndësishme për Shtetin.

Pas kësaj, Thaçi pritet të kërkoj përkrahjen edhe të Ramush Haradinajt dhe AAK’së, deputetët e së cilës tashmë kanë nisur nismën për rrëzimin e Qeverisë.