Thaçi dhe Arifi thonë se me PDK të gjithë do të jenë përfitues

Gjilan – Kryeministri Thaçi u shpreh i bindur në suksesin e Nexhmedin Arifit në zgjedhjet e 3 nëntorit pasi kjo vjen si rezultat i përkrahjes masive që ka kandidati Arifi tek qytetarët e komunës së Vitisë.

Kryeministri i Republikës së Kosovës dhe Kryetari i Partisë Demokratike të Kosovës, Hashim Thaçi, sot ka vizituar qytetin e Vitisë.

Me këtë rast ai, bashkë me kandidatin për kryetar nga radhët e PDK-së, dega në Viti, zotin Nexhmedin Arifi, zhvilluan fushatë nëpër rrugët e qytetit të Vitisë.

Kryeministri Thaçi u shpreh i bindur në suksesin e Nexhmedin Arifit në zgjedhjet e 3 nëntorit pasi kjo vjen si rezultat i përkrahjes masive që ka kandidati Arifi tek qytetarët e komunës së Vitisë.

Ndërkaq Arifi, duke e falënderuar kryeministrin për përkrahjen e vazhdueshme, theksoi se është i vendosur të vazhdoi me vizionin për një Viti Evropiane në të cilën të gjithë do të jenë përfitues direkt të qeverisjes së mirë të Partisë Demokratike të Kosovës.

Qytetarët të cilët takuan Kryeministrin dhe kandidatin tonë u deklaruan pro vizionit evropian të Partisë Demokratike të Kosovës dhe për vazhdimin e mandatit të kryetarit Arifi thuhet në njoftimin e degës së PDK-së në Viti. /rajonipress/