Thaçi: Avramopoulos më konfirmoi se liberalizimi i vizave nuk do të vonojë

Presidenti i Kosovës, Hashim Thaçi, i cili po merr pjesë në ceremoninë e inaugurimit të presidentit turk, Recep Tayyip Erdogan, është takuar sonte në Ankara me komisionerin e BE-për për Migrim, Çështje të Brendshme dhe Shtetësi, Dimitris Avramopoulos.

Thaçi, përmes një postimi në Facebook, ka thënë se Avramopoulos i ka konfirmuar se “Republika e Kosovës dhe qytetarët e saj më të drejt presin lajme të mira për liberalizimin e vizave dhe se ato nuk do të vonojnë.

Postimi i plotë i Hashim Thaçit:

“Edhe Komisioneri i BE-për për Migrim, Çështje të Brendshme dhe Shtetësi, Dimitris Avramopoulos më konfirmoi se Republika e Kosovës dhe qytetarët e saj më të drejt presin lajme të mira për liberalizimin e vizave dhe se ato nuk do të vonojnë.

Qytetarët e Kosovës me padurim presin që ky proces të përmbyllet, duke i hapur rrugë lëvizjes së lirë në zonën Shengen. Kosova meriton të bëhet pjesë e mobilitetit në Evropë”, ka shkruar Thaçi. /Telegrafi/