Thaçi: Askush nuk mund ta përmbyll vetëm dialogun, por askush nuk mund ta pengojë këtë proces

Presidenti i Kosovës, Hashim Thaçi ka theksuar se askush prej skenës politike nuk mund ta mbyllë vetëm procesin e dialogut me Serbinë.

Ai këto komente i ka bërë pas vizitës së tij, në një fabrikë, në Komunën e Kaçanikut.

“Shteti është i të gjithëve dhe askush nuk mund ta përmbyllë vetëm procesin, derisa askush nuk mund ta bllokojë ose vejë veto këtij procesi”, ka shtuar Thaçi.

Sipas tij, zhvillimet lokale apo disponimet populliste nuk do të mund të ndikojnë në agjendën shtetërore.

“Të gjithë të kalojmë mbi interesat partiake dhe elektorale. Kosova e ka përvojën e saj dhe sa herë jemi bashkuar kemi fituar. Ky proces i dialogut do të mbyllet me njohjen de jure të Kosovës nga Serbia”, ka shtuar Thaçi. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).