Thaçi: Ahmeti ka aleat shejtanin

Lideri i Partisë Demokratike Shqiptare Menduh Thaçi ka deklaruar në Çair të Shkupit, se kreu i BDI-së Ali Ahmeti ka për aleat dreqin dhe shejtanin prandaj shqiptarët nuk munden të arrijnë atje ku duhet.

“Nëse dreqin dhe shejtanin i ke aleatë, nuk mund të mbërrish atje ku duhet. Këta i ka aleatë Ali Ahmeti – dreqin dhe shejtanin. Kjo tregon se rruga e tyre është rrugë tërësisht e gabuar. Pse ne s’mund të fitojmë lehtë, për shkak se të gjithë edhe VMRO-ja edhe LSDM-ja edhe institucionet e shtetit mundohen natë e ditë që të mos fitojmë, sepse e dinë mirë se fitorja e PDSH-së e zgjidh problemin e shqiptarëve të Maqedonisë”,-tha Thaçi, duke shtuar se shqiptarët shumë shpejt do të dalin atje ku duhet. /Indeksonline/