Teuta Rugova viziton degën e LDK-së në Viti

Viti – Nën organizimin e degës së LDK-së në Viti është mbajtur një tubim i madh, ku aderuan shumë anëtarë të rinj prej të gjitha partive politike. Librezat e anëtarësisë ua dorëzuan Sokol Haliti, Teuta Rugova, Musa Misini, Faruk Nura dhe Kosovare Azemi.

Mirë se ardhje atyre ju dëshiroi kryetari i degës së LDK-së dhe kryetari i komunës së Vitisë Sokol Haliti, i cili në fjalën e tij tha se pas fitores së LDK-së në Kosove, Vitia nuk do të mbetet zorrë qorre, por do të ketë vendin e saj të merituar, raporton rajonipress.

Ai tha se nga këtu shpall që sot fitoren e degës së LDK-së në Viti, mirëpo kërkoi mobilizim të mëtutjeshëm në mënyrë që fitorja të jetë më bindëse.

Të pranishmeve iu drejtua edhe vajza e Presidentit historik të Kosovës Ibrahim Rugova, Teuta e cila tha se në Viti gjendet për herë të parë, mirëpo dinë shumë gjëra për të sepse ato i kam mësuar nga babai i cili tregonte për mikpritjen qe iu është bërë në Viti.

Ajo tha se është futur në politikë për të ndihmuar të ardhmen e të rinjve në politikë./rajonipress/