Tetovari nga Wettingeni ua rregullon flokët yjeve të Kombëtares

Të premten e kaluar ai kishte mbyllur sallonin e tij në Wettingen madje kishte shtyrë edhe terminet e disa klientëve vetëm për të shkuar në Francë. “E ndjeva të rëndësishme që djemtë e kombëtares të duken sa më bukur në një lojë historike si kjo për Shqipërinë.

Për ndeshjen e parë të një kombëtareje që merr pjesë në Kampionat Evropian duhet të jetë gjithçka në nivel. Po ashtu edhe rregullimi i flokëve. Së bashku me kombëtaren shqiptare për në Francë ka udhëtuar edhe Bedri Asani. Djaloshi tetovar i cili jeton në Wettingen të Kantonit Aargau është zgjedhur të jetë pjesë e stafit për të rregulluar flokët e futbollistëve shqiptarë.

“Duke u përgatit për nesër”, kishte shkruar Bedriu në faqen e tij në “Facebook”, të premten në mbrëmje, një ditë para se Shqipëria të luante kundër Zvicrës, ndërkohë që kishte publikuar disa fotografi dhe një video gjatë prerjes së flokëve të disa futbollistëve shqiptarë, shkruan aargauerzeitung.ch, transmeton “albinfo.ch”.

Të premten e kaluar ai kishte mbyllur sallonin e tij në Wettingen madje kishte shtyrë edhe terminet e disa klientëve vetëm për të shkuar në Francë. “E ndjeva të rëndësishme që djemtë e kombëtares të duken sa më bukur në një lojë historike si kjo për Shqipërinë”.

Bedriu në Lens të Francës kishte improvizuar një dhomë si sallon frizerësh. Një prej futbollistëve të cilët janë rregulluar nga duart e tij është Naser Aliji, i cili prej një viti është klient i rregullt. Por po ashtu nëpër duart e tij kanë kaluar edhe Emir Lenjani, Ergys Kaçe, Taulant Xhaka e Shkëlzen Gashi.

Një klienë i Bedriut, në “Facebook” kishte shkruar: “Naser, për shkak tuajin, termini im është shtyrë”, ndërsa futbollisti shqiptar Naser Aliji, iu përgjigj: “haha, më vjen keq”, njofton “albinfo.ch.