Testi që zbulon se a do të keni sulm zemre

Pacientët që përjetojnë sulme në zemër kanë qeliza unike në gjakun e tyre, sipas një studimi të ri. Të gjeturat e ‘rëndësishme’ të publikuar në revistën “Physical Biology” do të mund të përdoreshin për të parashikuar nëse një pacient do të këtë sulm në zemër, duke testuar atë për qarkullimin e qelizave endoteliale.

Pasi që në Britani të Madhe, një person vdes çdo 7 minuta prej sulmit në zemër, testi është mbase jetë shpëtues në qoftë se përdoret nga doktorët.

Hulumtuesit në Institutin për Hulumtime Scripps në Kaliforni, kanë zbuluar se qelizat endoteliale ishin gjetur në gjakun e pacientit.

Ky studim ka vlerësuar 79 pacientë të cilët kishin përjetuar sulm në zemër, 25 pacient të shëndoshë dhe shtatë pacient të cilët po pranonin trajtim në lidhje me sëmundjet në enët e gjakut.

Shkencëtarët kanë ardhur në përfundim se prezenca e qelizave endoleliale në gjakun e njeriut pas sulmit në zemër ishte diçka që nuk ishte parë në kontrollet shëndetësore më herët.

Profesori, Peter Kuhn, i cili kishte punuar në këtë projekt ka shpjeguar se rezultatet e studimit janë aq të ‘rëndësishme’ sa që hapi i radhës është të vërtetohet se si këto të gjetura mund të përdoren për të identifikuar pacientët gjatë fazës së hershme të sulmit në zemër.