Terziu: Nënkalimi tek shkolla “Thimi Mitko” i domosdoshëm

Gjilan – Shaban Terziu nga shoqëria civile duke folur në debatin rreth planit zhvillimor komunal ka kërkuar nga komuna që tek shkolla “Thimi Mitko” domosdoshmërisht të ndërtohet një nënkalim. Tragjedia me kamionin na tregoi se aty duhet urgjentisht të intervenohet dhe të sinjalizohen të gjitha hyrje daljet e qytetit.

Shaban Terziu i cili e dhe është banues në qendër të qytetit të Gjilanit tha se ende ka trauma nga rasti i tragjedisë me kamionin.”Unë ende kam trauma dhe kur të shoh kamion me pesha të rënda trishtohem. Nuk e harroj atë ditë sepse i kisha nipat e mi në shkollë dhe e lus komunën që urgjentisht ta ndërtojë një nën kalim sepse kjo eviton tragjeditë tjera” tha Terziu.

Terziu tha se pos nën kalimit komuna duhet të sinjalizojë të gjitha hyrje daljet në qytet sepse ende nuk ka shenja që tregojnë ndalimin e kamionëve me pesha të rënda.”Vërtet po befasohem se si komuna ende s`ka ndërmarrë asnjë hap në këtë drejtim” u shpreh Terziu./rajonipress/