Tërpeza e Pozherani japin sugjerimet dhe kërkesat e tyre për investime

Viti – Banorët e Tërpezës ndër tjerash kërkuan, të ndërtohen trotuare, të pajisjen të gjitha rrugët me ndriçim publik, të bëhet vazhdimi i rrugës për të varrezat dhe zgjerimi i rrugës aktuale, të rregullohet rruga bujqësore që lidhë Tërpezën me Fshatin e Ri, të vendosët një murë mbrojtës në humnerën pranë rrugës Balaj, të rregullohet çështja e ujit të pijes, të ndërtohet një ambulant e fshatit.

Në Tërpezë dhe Pozheran janë mbajtur diskutimet publike për planifikimin e buxhetit Komunal 2020-2022 nga Komuna e Vitisë. Me këtë rast zv. Kryetari i Komunës së Vitisë, Hasan Aliu, Drejtori për Ekonomi dhe Financa dhe Zhvillim, Ibrahim Rama i njoftuan banorët e këtyre lokaliteteve mbi draft buxhetin e komunës së Vitisë për vitin 2020.

Ata bënë me dije se buxheti komunal për vitin 2020 ka shënuar rritje, por kjo rritje do të shkoj kryesisht në kategorinë paga dhe mëditje pasi që pritet të hynë në fuqi ligji i ri për paga.

Ndërkaq në pjesën e dytë të këtyre takimeve banorët kanë parashtruar kërkesat dhe sugjerimet e tyre për investime.

Banorët e Tërpezës ndër tjerash kërkuan: të ndërtohen trotuare, të pajisjen të gjitha rrugët me ndriçim publik, të bëhet vazhdimi i rrugës për të varrezat dhe zgjerimi i rrugës aktuale, të rregullohet rruga bujqësore që lidhë Tërpezën me Fshatin e Ri, të vendosët një mur mbrojtës në humnerën pranë rrugës Balaj, të rregullohet çështja e ujit të pijes, të ndërtohet një ambulant e fshatit.

Ndërkaq banorët e Pozheranit kërkuan: Të ndërtohet një fushë ndihmëse në Pozheran, të përfundojnë sa më parë punimet në stadiumin “Ibrahim Kurteshi”, lagjet “Zuka”, “Alidema” dhe “Pira” të bëhen me trotuar, të zgjidhën problemet me ujërat e zeza, të ndërtohet një objekt për aktivitetet kulturore, QMF në Pozheran të pajisët me Autoambulancë, të punohet në rrugët bujqësore, të bëhet hapja e kanaleve për skaj të rrugëve bujqësore, të vazhdohet me pastrimin e përroskave, të ndërtohen më shumë gropa septike, të hapët rruga e vjetër prej Xhamisë deri të Rruga e Zajmit.

Ndërkaq Koordinatori i Pozheranit, Ilir Zuka, kërkoj që Komuna e Vitisë në investimet kapitale të merre parasysh kërkesat që kanë dalë nga ky takim.

Ndërkaq në këtë takim kanë marrë pjesë edhe Kryesuesi i Kuvendit Komunal, Naim Pira, Drejtori për Administratë, Isak Sadiku, Drejtoresha për Kadastër, Gjeodezi dhe Pronë, Majlinda Ostrogllava dhe të tjerë si dhe Nexhmedin Jakupi, Drejtor për Shërbime Publike dhe Emergjencë i cili kërkoj nga banorët që të mos ndizen zjarre të hapura./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).