Termocentrali “Kosova A” – bombë e kurdisur

Është dhënë alarmi për pasoja akoma më të mëdha që mund të shkaktojë dinozauri “Kosova A”, pjesë e Korporatës Energjetike të Kosovës. Ky termocentral i vjetër është përshkruar si një bombë e kurdisur.

Të premten, dy punëtorë kanë mbetur të vdekur dhe rreth 20 të tjerë janë lënduar pas shpërthimit të fuqishëm të bombolave me hidrogjen që kanë ndodhur në Repartin e elektrolizës të TC “Kosova A”.

Dy nga të lënduarit kanë qëndruar për disa orë nën rrënojat e shkaktuara nga shpërthimi, derisa ekipet e shpëtimit kanë mundur t’i nxjerrin. Për disa kohë është alarmuar për shpërthime të tjera, që mund të ndodhin.

Avni Kurshumliu ka punuar për rreth 40 vjet në KEK, si inxhinier. Ka qenë edhe drejtor i TC “Kosova B”. Ai ka thënë t’i njohë se si marrin frymë të gjitha pajisjet e TC “Kosova A”… (“Koha Ditore”)
© KOHA.net