Tepricat e keqmenaxhimit

Qeveria e Kosovës s’po di t’i menaxhojë paratë e buxhetit. Ekzekutivit të vendit kanë filluar t’i teprojnë paratë, ndonëse arka e shtetit është mjaft e varfër. Me kërkesë të Ministrisë së Financave nga buxheti i këtij viti, Qeveria e Kosovës ka marrë vendim që t’i ruajë afro 90 milionë euro për vitin tjetër.

Në vendimin e marrë javën e kaluar nuk tregohet arsyeja e kursimit të këtyre mjeteve. Detaje për këtë çështje nuk kanë dhënë as në Ministrinë e Financave vetëm kanë treguar se mjetet e pashpenzuara barten në mënyrë automatike për vitin pasues.

E, njohësit e ekonomisë thonë se ruajtja e këtyre parave mund të ketë arsye të ndryshme. Sipas tyre, këto para mund të jenë shkak i mosmenaxhimit të mirë të tyre, por edhe mund të jenë bartje për t’i rritur pagat në vitin 2014. Pasi, siç thonë ata, premtimi i kryeministri Hashim Thaçi për rritje të pagave duhet të realizohet disi…(Tribuna).