Tentojnë ta vrasin policin

Një pjesëtar i Policisë së Kosovës është rrahur rëndë nga tre persona të panjohur në fshatin Dubovik të Deçanit. Pasi e rrahën tentuan edhe ta vrasin derisa po iknin nga shtëpia e viktimës ku kishin shkuar për të vjedhur. Policia e Kosovës menjëherë pasi është njoftuar për rastin ka dalë në vendin e ngjarjes dhe ka filluar hetimet.

Për ngjarjen e ndodhur rreth orës 01:00 të së premtes është informuar menjëherë prokurori i shtetit, me urdhrin e të cilit është hapur rasti vrasje në tentativë. “Viktima pjesëtar i Policisë së Kosovës ka raportuar se tre persona të dyshuar dhe të panjohur i ka vërejtur në oborrin e tij duke tentuar të vjedhin një gjenerator dhe një motosharrë. Të dyshuarit me te vërejtur policin e kanë sulmuar dhe e kanë goditur me mjete të forta, me ç’rast viktima ka pësuar lëndime trupore”, thuhet në komunikatën për media të Policisë së Kosovës.

Të dyshuarit janë larguar nga vendi i ngjarjes dhe gjatë largimit kanë shtënë dy herë me armë zjarri në drejtim të policit, por fatmirësisht nuk është qëlluar në të…(Tribuna).