Tentoi të shiste një pushkë gjuetie, prangoset i dyshuari

Gjilan – Në fshatin Malishevë të Gjilanit pas informatave të pranuara përmes rrugëve operative nga ana e Policisë̈ së Kosovës është arrestuar i dyshuari i cili është hasur duke tentuar ta shes një pushkë gjuetie.

Arma dysho se ishte vjedhur në një shtëpi pronari i të cilës gjendet jashtë vendit.

Po ashtu pas hetimeve në vazhdim janë gjet prova se dyshohet që aty ishte vjedhur një kasafortë në të cilën kanë qenë edhe tri armë tjera të gjata (dy pushke gjuetie dhe një kallashnikovë) dhe municion.

Nga ana e Policisë, njësitet e hetimeve nga stacioni policor i Gjilanit janë konfiskuar dy pushkë gjuetie, gjersa arma automatike AK- 47 është në kerkim.

Pas intervistimit në prezencën e trupit mbrojtës të dyshuarit me vendim të Prokurorit janë ndaluar në mbajtje për 48 orë.

Rasti procedohet nê PTh si “Mbajtja në pronësi, kontroll ose posedim të paautorizuar të armëve, Vjedhje e rëndë”, njoftoi policia e Kosovës./rajonipress/

Shpërndaje.
© RAJONIPRESS