Tenderët elektronikë nisin në qershor

Prokurimi elektronik pritet të nisë në gjysmën e dytë të muajit qershor me blerjen e biletave të aeroplanëve, shkruan sot Koha Ditore.

Aplikimi nëpër tender në mënyrë elektronike do të jetë i pjesshëm për shkak të mungesës së ekspertizës së zyrtarëve të prokurimit për këtë mënyrë të tenderimit.

Janë përzgjedhur autoritete kontraktuese (si KEK-u e PTK-ja) më të specializuara në teknologji informative dhe tenderët ku potencialisht aplikimi bëhet edhe nga operatorë ekonomikë të informuar në këtë fushë për t’iu shmangur gabimeve teknike.

Safet Hoxha, kryetar i Komisionit Rregullativ të Prokurimit Publik thotë të jenë kryer të gjitha përgatitjet teknike për të nisur me prokurimin elektronik. Thotë se softueri dhe platforma tashmë janë finalizuar dhe mund të përdoren duke filluar nga kjo e hënë.

http://koha.net/?id=27&l=59919

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).