Televizioni francez vlerësim surprizë për Kombëtaren shqiptare

Së fundmi është televizioni kombëtar francez TF1 që ka bërë vlerësimin e 24 skuadrave pjesëmarrëse, përfshirë edhe Shqipërinë.

Në përfundim të Kampionatit Europian të gjithë bëjnë llogaritë dhe vlerësimin e performancës që kanë bërë kombëtaret e ndryshme.

Së fundmi është televizioni kombëtar francez TF1 që ka bërë vlerësimin e 24 skuadrave pjesëmarrëse, përfshirë edhe Shqipërinë.

Kategoria- Shumë mirë
Pa dyshim fituesi nuk gjykohet dhe Portugalia bën pjesë në vlerësimin maksimal pasi është edhe fituese e Kampionatit Europian. Këtë vlerësim ka marrë edhe surpriza e Islandës dhe Uellsit.

Kategoria- Mirë
Këtë vlerësim ka marrë Italia, Polonia, Irlanda e Veriut dhe Hungaria të cilat kanë tejkaluar pritshmëritë e këtij aktiviteti.

Kategoria- Të pranueshëm
Në këtë vlerësim bën pjesë edhe Shqipëria, pasi mori një fitore dhe ishte në garë për të kaluar fazën e grupeve. Mbi të gjitha kuqezinjtë bënë ndeshje shumë të mira gati të barabartë me kundërshtarët ku vendosën vetëm episodet. Këtë vlerësim ka marrë edhe Gjermania, Zvicra, Irlanda dhe Sllovakia.

Kategoria- Të pamjaftueshëm
Mes skuadrave që kishin potencial ishin Belgjika, Turqia dhe Rumania.

Kategoria- Shumë të pamjaftueshme
Spanja është zhgënjimi i madh i turneut, e ndjekur nga Anglia. Mes tyre në këtë vlerësim bëjnë pjesë edhe skuadra si Austria, Suedia, Rusia, Ukraina dhe Republika e Çekisë.