Tek emergjenca në Viti vendoset tenda për triazhimin dhe identifikimin e rasteve të dyshuara me Koronavirus

Viti – Mbrëmë në Viti, pranë objektit të emergjencës me mbështetjen e Ministrisë së Shëndetësisë është vendosur tenda për triazhimin dhe identifikimin e rasteve të dyshuara me Koronavirus.

Drejtoresha e QKMF-së në Viti, Dr. Vjollca Kadolli-Halili bënë me dije se në mbështetjen e Ministrisë së Shëndetësisë së Republikës së Kosovës, kanë pranuar edhe mjete mbrojtëse.

Ajo kërkon nga të gjithë që të mos bëjnë panik dhe kërkon nga secili të përkujdesët për vetën dhe të tjerët duke zbatuar rekomandimet e dhëna nga Instituti Kombëtar i Shëndetit Publik.

Ajo gjithashtu njofton se punëtorët shëndetësor të vetizoluar janë me shëndet të mirë dhe potencon se stafi mjekësor në Viti e Pozheran janë në nivel të detyrës dhe atë me kujdes të shtuar.

Drejtoresha Kadolli-Halili potencon se punëtorët shëndetësor kanë edhe mbështetjen e institucioneve komunale./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).