Teatri i Gjilanit sërish vjen me një premierë të guximshme
Gjilan – Ende pa shkuar java Teatri Profesionist i Gjilanit do të jep shfaqjen e dytë premierë “Pacienti i dr. Frojdit” me tekst të autorit kroat Miro Gavran, regjinë e së cilës e ka bërë Erson Zymberi.
Kjo shfaqje vije pas premierës komedi “Hajnat”, e cila është dhënë të hënën, kurse në premierën e kësaj shfaqjeje do të luajnë Muharrem Syeljmani, Mejreme Berisha dhe Ali Demi. Skenografinë dhe kostumografinë i kanë bërë Bekim Korça dhe Venera Ramadani, muzikën Florim Gagica e dritat Fatmir Halili.
Ali Demi, drejtor i teatrit, por që në këtë shfaqje do të paraqitet si aktor, ka theksuar se kjo do të jetë një shfaqje tejet interesante, groteskë dhe një prej shfaqje të guximshme që Gjilani i vë në skenë. Ne po trajtojmë tema të guximshme, që teatrot tjera nuk i kanë trajtuar e këtë projekt e ka financuar Ministria e Kulturës, për çka teatri i Gjilanit i është mirënjohës.
Siç ka theksuar regjisori Erson Zymberi, tha se me këtë shfaqje Gjilani po merr frymë kulturore. Ai tha se brenda një periudhe të shkurtër kjo është shfaqja e dytë. Besojmë që në shtator do të jepen shumë repriza. Shfaqja ka një mënyrë interesante të të shkruarit e sidomos ballafaqimi me figurat e mëdha të historisë. Një diktatori të madh i mëveshët një ves. Autori ka gjetur një figurë tjetër, i cili qëllon të jetë hebre. Më ka lënë përshtypje përplasja e dy gjigantëve dhe mënyra se si arrihet deri te zgjidhja, e cila vije në mënyrë shumë të veçantë. Regjisori beson se kjo do të jetë pjesë e festivaleve dhe teksti është për një shtresë më intelektuale.
Kjo është premiera e tretë e këtij sezoni, të cilën e ka shfaqur Teatri Profesionist i Gjilanit. Shfaqja “Pacienti i dr. Frojdit” do të shfaqet të dielën me fillim në ora 20:00./rajonipress/