Të tjerët për humanistin Sabri Bunjaku: Një burrë i madh lë gjurmë të mëdha!

Gjilan – Me iniciativë dhe financim tërësisht vetjak, ky burrë atdhetar ka ndërtuar mbi 80 ulëse të punuara dhe të vendosura me kujdes, duke krijuar pushimore të mrekullueshme për vizitorët. Po ashtu, ai ka ndërtuar një urë që lidh dy shtigje malore, duke e bërë më të lehtë dhe më të bukur shtegtimin RINORI në këtë pjesë të rrallë të Kosovës ka shkruar mërgimtari Gjon Froki, për anën humane të gjilanasit Sabri Bunjaku.

Sabri Bunjaku për gjestin e tij human, që e ka realizuar për nder të nipit të tij Rinorit, ka gjetur përkrahje dhe fjalë miradije, nga shumë miq e vizitor, që e vizitojnë në Prevallë.

Gjon Froki një mërgimtar dhe mik i familjes Bunjaku, në rrjetet sociale ka shkruar:
Sot patëm kënaqësinë të vizitojmë bjeshkët e bukura të Prevallës, në fshatin turistik ku natyra flet vetë. Aty pamë nga afër veprat e jashtëzakonshme të një njeriu që e do vendin, natyrën dhe të ardhmen e brezit të ri, Sabri Bunjaku.
Me iniciativë dhe financim tërësisht vetjak, ky burrë atdhetar ka ndërtuar mbi 80 ulëse të punuara dhe të vendosura me kujdes, duke krijuar pushimore të mrekullueshme për vizitorët.
Po ashtu, ai ka ndërtuar një urë që lidh dy shtigje malore, duke e bërë më të lehtë dhe më të bukur shtegtimin RINORI në këtë pjesë të rrallë të Kosovës.
Respekt pa fund për njerëzit që veprojnë më shumë se flasin. Sabri Bunjaku, je shembull për të gjithë” ka shkruar Froki./rajonipress/