Të shtëna me armë në Gjilan, arrestohet i dyshuari

Gjilan – Policia e Kosovës është njoftuar për një rast gjuajtje me armë që ka ndodhur mbrëmë në Gjilan në rrugën “Nëna Terezë”. Nga hetimet e para në vendin e ngjarjes mësohet se, viktima shqiptar kishte shkuar në shtëpinë e të dyshuarit (dhëndër i viktimës).

Pas mosmarrëveshjes në mes tyre i dyshuari ka ikur në katin e fundit të shtëpisë e ka nxjerr revolen dhe ka gjuajtur nga dritarja dy apo tri here. I dyshuari është arrestuar. Në shtëpinë e të dyshuarit nga policia e Kosovës janë gjetur dhe konfiskuar: Një AK-47 , me katër karikator, 119 fishek të kalibrit 7.62, një pistoletë “Zastava”, një karikator, katër fishek të kalibrit 6.35 mm, një gëzhojë si dhe një pastruese e armës.

Besohet se motiv i incidentit të jenë mos marrëveshjet familjare. Fatmirësisht askush nuk është lënduar në këtë incident. Rasti në Prokurorinë Themelore njoftoj Ismet Hashani./rajonipress/