Të sëmurët nga zemra të shkojnë nëpër male, ata me astmë në det

Pushimi për shumicën e njerëzve do të thotë shkuarje në det, por duhet marrë edhe parasysh vendin dhe temperaturat që trupit tuaj i shkojnë për shtati. Ekspertët theksojnë se të sëmurët kronikë do të duhej të shkojnë nëpër male, derisa ata që vuajnë nga astma dhe sinuset duhet të shkojnë në det.

Temperatura e jashtme e lartë nuk ju shkon për shtati të sëmurëve nga zemra. Kjo për faktin se si pasojë e tyre vjen deri te zgjerimi i enëve të gjakut në duar dhe këmbë, sidomos kur për kohë të gjatë qëndrohet në diell.

Kjo shkakton uljen e shtypjes arteriale të gjakut, që sidomos është e rëndësishme te të prekurit nga hipertensioni si dhe tek ata që tashmë kanë përjetuar një sulm në zemër. Po ashtu, edhe aktiviteti fizik në formë të notit mundet të jetë faktor i rrezikut te këta të sëmurë kronik.

Momenti më i rrezikshëm për të sëmurit nga zemra në det mund të jetë kur futen në ujë të ftohtë. Kjo për faktin se efekti ngrohtë-ftohtë shkakton ngërçin e muskujve të gjakut në krejt organizmin e edhe në muskujt e zemrës.

Qëndrimi në det ju sugjerohet edhe atyre që vuajnë nga alergjitë dhe sëmundjet reumatoide dhe ato të lëkurës.

(Kosova Sot)