Të qëndrojë apo të largohet nga Liverpooli? Legjendat e Zvicrës flasin për Shaqirin

Liverpooli është duke luftuar për titullin e kampionit në Angli, derisa Xherdan Shaqiri prej javësh ka mbetur në stolin e rezervave, transmeton zeri.info.

Por, a duhet të largohet ai nga Liverpooli? Kështu mendojnë disa prej legjendave të kombëtares zvicerane.

Stephane Henchoz: “Unë ende jam shumë i befasuar, ai e filloi shumë mirë me asistime dhe gola. Për mendimin tim ai ka treguar se mund ta bëjë diferencën në njërën prej skuadrave më të mira në botë dhe e ka nivelin e duhur. Kjo është arsyeja se pse nuk mendoj që ai duhet të largohet nga Liverpooli këtë verë. Ai ende duhet të luftojë për të luajtur më shumë dhe pastaj për një vend titullari”.

Pascal Zuberbuhler: “Jurgen Klopp e ka sjellë Shaqën, e ka ndërtuar dhe ka aty. Shaqa ka bërë disa ndeshje të madhe. Fakti që ai nuk po luan më ka vetëm një arsye: në këtë fazë të nxehtë të kampionatit ju nuk mund të bëni eksperimente. Shaqa mbetet xhokeri i vlefshëm, asgjë nuk do të ndryshojë. Për mua, ai duhet ta pyesë veten në verë: A do të jem unë një xhoker në nivelin e lartë? Apo a dua të luaj këtu ku jam? Sigurisht ai do të luante në klube si Arsenali. Por, a do të fitojnë ata Premierligën apo Ligën e Kampionëve në të ardhmen e afërt? Jo. Po të isha në vendin e tij, unë do të kërkoja një bisedë me trajnerin dhe do të qëndroja nëse do ta ndjeja. Dhe pastaj do të luftoja si një i çmendur për t’u bërë i rregullt, për shembull nëse Mane shkon në Real Madrid”.

Benjamin Huggel: “Unë në fakt jam shumë larg të qenit në gjendje për ta analizuar saktësisht gjendjen. Por, le ta shohim kështu: nëse ndonjë gjë ka ndodhur, për të cilën ne nuk dimë asgjë, ai duhet ta mendojë ndryshimin. Nëse Kloppi vazhdon të besojë te ai, siç e ka thënë në intervistën e fundit, atëherë ai padyshim që duhet të qëndrojë”.

Ciri Sforza: “Për mua, çështja është e qartë, ai duhet të qëndroje me Liverpoolin dhe të zhvillohet pozitivisht. Nëse nuk ka ndonjë problem të madh”./Zëri