Të privatizohet Trepça

Analisti politik, Halil Matoshi, në një intervistë për Indeksonline, flet për protestat e para për Trepçën, para 26 vitesh. Sipas tij, Trepça është thjeshtë një mit, pasi që për revitalizimin e saj duhen miliarda euro.

“Po, para 26 vitesh isha aty, si gazetar i ri, në atë grevën e tyre të famshme, që ishte organizuar për të mbrojtur autonominë, fituar sipas Kushtetutës së vitit 1974 dhe të cilën Serbia po e suprimonte “gjiganti” Trepça, siç e cilësoni ju- nuk ishte kurrë ndonjë gjigant por vetëm mit. Një narrativë e madhe pa të cilën Kosova s’mund të ekzistojë si shtet i pavarur, por në thelb, Trepça është thjeshtë një mit. Sepse për revitalizimin e saj duhen miliarda euro që Kosova nuk i ka dhe vështirë se do t’i bëjë së shpejti aq para Tekonoliojia në Trepçë, sot është e viteve ‘60-70 dhe ajo sot kushton miliarda euro. Ku i merr Kosova ato para?”, ka thënë Matoshi për Indeksonline.

Matoshi, thotë se Trepça duhet të privatizohet, me kritere të ekonomisë së tregut.

“Unë mendoj se Trepça, pas një studimi të hollësishëm, megjithatë duhet me u privatizue, por jo më kriteret e UNMIK-ut dhe të Hashim Thaçit e Kadri Veselit, por me kritere të ekonomisë së tregut. Në aspektin politik, Lëvizja VV po do t’ia jap Trepçës të njëjtat atribute si në vitet ’90, por që nuk i dha kurrë më s’do t’i ketë/ Në aspektin politik Trepça është thjeshtë një narrative, por në epokën ku ne po jetojmë është shënuar tashmë fundi i tregimeve të mëdha”, theksoi ai. /Indeksonline/