Të ndjejë

Poezi nga Bilall Maliqi

Të ndjejë afër
T’i dëgjoj dihatjet
Ofshamat e avullta
Psherëtimat
E shndërruara në gjëma
Me sytë e mi të lagur
Ta shoh hijen tënde
Tek lëvizë e nuk zë vend
Si një kërkimtare e lumturisë
Unë vetmitar i thinjur
Ti vetmitare e përlotur
Si ti bëjmë një shikimet
Në pikën zero të takimit
Durimi erdhi në cak të trazimit
E s’ka kush t’ia ndalë hovin
Veç thirrja (jote)
Matanë murit të copëtimit
Ulë britmat e harlisura
Prita e prita
Siç presin sytë e mi
Të zgjerohen fytyrës tënde
Copat e shikimit të mblidhen
E të mbyten n’pellgun e lotëve
Afër të ndjejë
Tek damari lidhës i zemrës
Që pulson sall për Ty
Në çdo çast
Udhës së pambarimtë të dashurisë

(01 shkurt 2018)