Të ndihmohet familja Shaqiri nga Zarbica

Gjilan – Pas publikimit të videos për rastin e rëndë të familjes Shaqiri nga Zarbinca e Bujanocit, e cila momentalisht jeton në fshatin Miresh – Dobërqan, të Komunës së Gjilanit, gjendja e së cilës familje është shumë e rëndë dhe nuk ka as kulm mbi kokë se ku të gjej një strehim, Lëvizja Qytetare “VATRA”, u bënë thirrje të gjithë qytetarëve, dashamirëve, njerëzve të vullnetit të mirë dhe gjithë atyre që kanë mundësi të ndihmojnë familjen Shaqiri për ndërtimin e shtëpisë dhe njëherit tu bashkëngjiten nismës së nisur nga Driton Aziri, bashkëvendës i yni me qëndrim në Gjermani.

I cili pasi u informua me ketë gjendje të rëndë u zotua se do të bëjë blerjen e bllokave për murosjen e shtëpisë si dhe disa zotime të dhëna nga bashkatdhetarët tanë që jetojnë në botën perëndimore, nga Amerika gjer në Evropë.

Lusim personat që kanë mundësi sadopak të ndihmojnë këtë iniciativë e cila iniciativë është e qëlluar dhe shumë emergjente për të vepruar.

Shpirti human i malësoreve mbi të gjitha është dëshmuar dhe vazhdon të dëshmohet në shumë projekte të tilla, sikur siç është edhe asfaltimi i rrugës Muhoc-Zarbincë, e në të kaluarën edhe ndërtimi i shollave fillore në Zarbincë, Rambuqë, Suharën me vetë financim thuhet në njoftimin e Vatrës./rajonipress/

Të gjithë të interesuarit për të ndihmuar për të dhënë ndihmën e tyre, të kontaktojnë Driton Azirin në facebook dhe në nr. Të telefonit +49 1784552825