Të miturit që plagosi me skallper vitiasin i jepen një muaj arrest shtëpiak

Gjilan – Një gjyqtar i procedurës paraprake të Departamentit për të Mitur të Gjykatës Themelore në Gjilan, ka urdhëruar mbajtjen në arrest shtëpiak për të miturin L. M., në kohëzgjatje prej 1 (një) muaji.

I pandehuri L. M., shqiptar, shtetas i Republikës së Kosovës, dyshohet se ka kryer dy vepra penale: lëndim i lehtë trupor dhe mbajtja në pronësi, kontroll ose posedim të paautorizuar të armëve.

Dyshohet se i mituri me datën 28.01.2015, rreth orës 17.35, në rrugën “Dëshmorët e Vitisë” në Komunën e Vitisë, për motive të pa qarta, me skallper godet nga mbrapa të dëmtuarin V. I., në pjesën e pasme të shpinës, saktësisht në mes të shpatullave, duke i shkaktuar lëndime, ku si pasoj e plagëve viktima dërgohet në Qendrën e Mjekësisë Familjare në Viti, e më pas në Qendrën Emergjente në Gjilan.

I pandehuri në procedurë penale gëzon të drejtën e kontestimit të urdhrit për arrest shtëpiak të nxjerrë nga gjyqtari i procedurës paraprake./rajonipress/