Të maskuar dhe nën kërcënimin e armës i grabisin 160 euro qytetarit nga Kamenica

Kamenicë – Ankuesi mashkull kosovar ka raportuar se derisa ishte duke punuar, dy persona të panjohur të maskuar dhe nën kërcënimin e armës i kanë grabitur një shumë parash prej 160€ dhe janë larguar në drejtim të panjohur.

Njësitë policore kanë arritur ta arrestojnë njërin nga të dyshuarit mashkull kosovar të cilit i është konfiskuar automjeti i tij si provë materiale.

Me vendim të prokurorit pas intervistimit i njëjti është dërguar në mbajtje ndërsa dy të dyshuarit tjerë gjenden në arrati. Njoftoi policia e Kosovës./rajonipress/