Të kthehet lapidari i UÇPMB-së, aty ku ishte

Gjilan – Ne Lëvizja Qytetare “Vatra” konsiderojmë se para dy vitesh Serbia bëri aktin më arbitrar kur bëri largimin e pllakës përkujtimore të dëshmorëve të kombit të rënë në luftën e UÇPMB-së, duke injoruar në mënyrë të vrazhdë vullnetin politik të shqiptarëve.Serbia bëri shkeljen e të gjitha konventave ndërkombëtare, të kompetencave të pushtetit vendor.

Këto veprime dëshmojnë vazhdimësinë e logjikës së dhunshme dhe militariste të komunikimit të qeverisë serbe me popullatën shqiptare të Luginës së Preshevës.

Situata në Kosovën Lindore është e tensionuar, e ngarkuar me etiketime dhe fyerje ndaj luftës së drejtë të shqiptarëve për liri dhe barazi, shqiptarët e Luginës së Preshevës kërkojmë të kthehet lapidari i dëshmorëve konform kompetencave të pushtetit vendor dhe ndërprerjen e retorikës së vrazhdë dhe kërcënuese të qeverisë serbe ndaj vlerave të shqiptarëve të Luginës së Preshevës thuhet në reagimin e Lëvizjes Qytetare “Vatra”./rajonipress/